monumenta.ch > Plinius > sectio 70
Word Selection for Searching
Report an Error in this Sectio
Plinius, Naturalis Historia, 35, 70
{XXXVI} pinxit et archigallum, quam picturam amavit Tiberius princeps atque, ut auctor est Deculo, HS LX aestimatam cubiculo suo inclusit. pinxit et Thressam nutricem infantemque in manibus eius et Philiscum et Liberum patrem adstante Virtute, et pueros duos, in quibus spectatur securitas aetatis et simplicitas, item sacerdotem adstante puero cum acerra et corona.